బీసీలకు 42 శాతం రిజర్వేషన్లు అమలు చేసే వరకు ఉద్యమిస్తాం – గుజ్జ సత్యం
సత్యతెలంగాణ, హైదరాబాద్ , నవంబర్ 26 : బీసీ జేఏసీ ఆధ్వర్యంలో శుక్రవారం గన్పార్కులోని తెలంగాణ అమరవీ రుల స్థూపం ఎదుట నిర్వహించిన నిరసన కార్యక్రమంలో బీసీ జేఏసీ చైర్మన్ రాజ్యసభ సభ్యులు ఆర్ కృష్ణయ్య తో కలిసి గుజ్జ సత్యం మాట్లాడుతూ, బీసీ రిజర్వేషన్లు 42 శాతం అమలు చేసే వరకు ఉద్యమాన్ని కొనసాగిస్తామని హెచ్చరించారు.
జీఓ నెం.46 కారణంగా సర్పంచ్, వార్డు సభ్యుల స్థానాల కేటాయింపులో బీసీలకు తీవ్ర అన్యాయం జరిగిందని, పలు జిల్లాల్లో, మండలాల్లో, గ్రామాల్లో బీసీలకు ఒక్క సర్పంచ్, వార్డు సభ్యుని సీటు కూడా కేటాయించలేదని ధ్వజమెత్తారు.
“ప్రభుత్వం వెంటనే జీవో 46ను రద్దు చేసి, జీవో 9ను పునరుద్ధ రించాలి. 42 శాతం రిజర్వేషన్లతోనే స్థానిక సంస్థల ఎన్నికలకు పోవాలి. బీసీలకు 42 శాతం రిజర్వేషన్లపై రాష్ట్ర ప్రభుత్వం మొదటి నుంచి బాధ్యతాయుతంగా వ్యవహరించడం లేదు. రెండు సార్లు ఢిల్లీలో ధర్నాలు చేశారు కానీ.. ఏం లాభం లేదు. ప్రధానమంత్రి నరేంద్ర మోదీని ఎందుకు కలవలేదు? బిల్లు ఆమోదం కోసం కేంద్రంపై ఒత్తిడి ఎందుకు చేయడం లేదు? జీవో 9ను విడుదల చేసి 42 శాతం రిజర్వేషన్లపై బీసీల్లో ఆశలు కల్పించా రు. జీవో 9పై హైకోర్టులో వాదనలు జరుగు తున్నాయి. కేసు గెలిచే అవకాశం ఉన్నప్పటికీ ప్రభుత్వం ఆ దిశగా వాదనల వినిపించడం లేదు”అని గుజ్జ సత్యం అన్నారు.
వకుళాభరణం కృ ష్ణమోహన్, డాక్టర్ అరుణ్కుమార్, కొండా దేవన్న, భూమన్న గౌడ్, రాజేందర్, లింగం యాదవ్, మోడీ రాందేవ్ తదితరులు పాల్గొన్నారు.
