జీవో 46తో బీసీలకు సర్కార్ మోసం – బీసీ సంక్షేమ సంఘం జాతీయ ఉపాధ్యక్షుడు గుజ్జ సత్యం

సత్య తెలంగాణ హైదరాబాద్ నవంబర్ 22: కామారెడ్డి బీసీ డిక్లరేషన్ ప్రకారం 42 శాతం బీసీ రిజర్వే షన్లు అమలు చేస్తామని రెండేండ్లుగా నమ్మబ లికిన కాంగ్రెస్ సర్కారు, చివరకు బీసీలను నట్టేట ముంచింది’ అని బీసీ సంక్షేమ సంఘం జాతీయ ఉపాధ్యక్షుడు గుజ్జ సత్యం అగ్రహం వ్యక్తంచేశారు. రాష్ట్ర ప్రభు త్వం జీవో46ను విడుదల చేసి ఎస్సీ, ఎస్టీ, బీసీలకు కలిపి మొత్తంగా 50 శాతంలోపే రిజ ర్వేషన్లను ఖరారు చేస్తూ స్థానిక ఎన్నికలకు మార్గదర్శకాలు ప్రకటించడం బీసీలను దగా చేయడమేనని ధ్వజమెత్తారు. జీవో 46ను ఉప సంహరించుకోవాలని లేకుంటే బీసీలంతా ఐక్య ఉద్యమాలకు సిద్ధమవుతామని హెచ్చరించారు. ప్రభుత్వం దిగిరాకుంటే బీసీ జేఏసీ చైర్మన్, రాజ్యసభ సభ్యులు ఆర్.కృష్ణయ్య నేతృత్వంలో  భవిష్యత్తు కార్యచరణను రెండురోజుల్లో ప్రకటిస్తామని తేల్చి చెప్పారు. నిన్న జరిగిన మీడియా సమావేశంలో మాట్లాడుతూ హైకోర్టు గడువు కు ముందే, వాదనలు వినిపించకుండానే ప్ర భుత్వం ముందస్తుగా జీవో 46ను విడుదల చేసి బీసీ లకు తీవ్ర అన్యాయం చేసిందని గుజ్జ సత్యం మండిపడ్డారు. దీనికి కాంగ్రెస్ మూల్యం చెల్లించుకోక తప్పదని హెచ్చరించారు. సామా జిక-రాజకీయ పరిస్థితులను సమగ్రంగా అధ్యయనం చేయాల్సిన సమయంలో.. గదుల్లో కూర్చొని నివేదికలు సిద్ధం చేయడం ద్వారా బీసీలకు రాజకీయ అవకాశాలు దెబ్బ తీశారని విమర్శించారు. హెచ్చరించారు. 20న డెడికేటెడ్ కమిషన్ నివేదిక ఆధారంగా జీవో 46 నిర్ణయాలు తీసుకున్నట్టు ప్రభుత్వం ప్రకటించిందని, మరి ఆ నివేదికకు క్యాబినెట్ ఆమోదం ఉన్నదా? అని ప్రశ్నించారు. గతంలో అదే కమిషన్ నివేదిక ఆధారంగా బిల్లులు రూపొందించి చట్టసభలు ఆమోదించగా, ఇప్పుడు మళ్లీ కొత్త నివేదిక అవసరంఎందుకు ఏర్పడింది? అని నిలదీశారు. 42 శాతం రిజర్వేషన్లు అమలు చేయడం కోసం సీఎం రేవంత్ రెడ్డి కేంద్ర ప్రభుత్వంపై ఒత్తిడి తెచ్చేలా చర్యలు తీసుకోవాలని , రాష్ట్రంలోని అఖిలపక్షాల తరఫున బీసీ సంఘాల ప్రజాసంఘాల తరఫున ప్రధానమంత్రి నరేంద్ర మోడీ ని కలిసేలా చర్యలు తీసుకోవాలని అన్నారు.

ఈ కార్యక్రమంలో జాతీయ బీసీ సంక్షేమ సంఘం సౌత్ ఇండియా సెక్రటరీ సూర్యనారాయణ, బీసీ సంఘం రాష్ట్ర నాయకులు మరపంగు వెంకన్న  , జెల్ల నరేందర్ కర్నాటి లోకేష్ తదితరులు పాల్గొన్నారు